РУСКИ КЕРЕСТУР – Столнотениски клуб Русин внєдзелю 9. фебруара у Руским Керестуре одбавел 9. коло Южно Бачкей лиґи процив екипи СТК „Войводина” зоз Бачкого Ґрадишта и зазначел пораженє зоз вкупним резултатом 1:4.
За екипу СТК „Русин” на тим першенственим стретнуцу наступали: Михайло Сабадош, Иґор Фейди и Стефан Горняк.
У першим стретнуцу бавел Михайло Сабадош хтори зазначел побиду зоз резултатом 3:1 по сетох и екипа Русина перша дошла до предносци од 1:0 у партийох.
У другим стретнуцу Иґор Фейди зазначел пораженє зоз резултатом 0:3 по сетох и у вкупним резултату екипа Войводини вировнала на 1:1 у партийох.
У трецим стретнуцу Стефан Горняк зазначел пораженє зоз резултатом 0:3 по сетох и у вкупним резултату було 1:2 у партийох за госцох зоз Бачкого Ґрадишту.
Штварте стретнуце, дубл стретнуце дзе у тиму бавели Михайло Сабадош и Иґор Фейди зазначели пораженє зоз резултатом 1:3 по сетох, дзе у вкупним резултату було 1:3 у партийох.
У пиятим стретнуцу Михайло Сабадош пробовал врациц екипу Русина до бависка, медзитим у напартим стретнуцу дзе одбавени аж пейц сети Михайло поражени зоз резултатом 2:3, а екипа Войводини зоз Бачкого Ґрадипта у вкупним резултату славела зоз 1:4 у партийох.
У шлїдуюцим 10. колу Южно Бачкей лиґи СТК „Русин” шлєбодни, док у 11. колу екипа Русина будзе бавиц у Бачкей Паланки процив екипи СТК „Бачка Паланка 2”.