ЖАБЕЛЬ – На Манифестациї за дзеци Дзецинске лєто 2025, вчера у ценре Жаблю отримана пията представа и треца забавна активносц за дзеци.
Манифестацию, пондзелок 30. юлия урядово отворели Урош Раданович, предсидатель Општини Жабель и Серґей Запорожац директор Туристичней орґанизациї општини Жабель. Кажди дзень у центре Жаблю орґанизовани рижни активносци за дзеци.
Нєшка, на 19 годзин будзе приказана представа Майстор Марио у котрей буду ґлумиц ґлумци зоз театру Позориштанце Єленица зоз Беоґраду. На 20 годзин будзе орґанизована наукова роботня за дзеци.
На ютре, соботу 5. юлия на 19 годзин будзе приказана предсава Капитен и морске чудо, новосадского театра Позориштанце зоз куфра, а од 20 годзин наймладших будзе забавяц аниматор, маскота медведз Вуле.
На нєдзелю, 6. юлия на 19 годзин будзе представа Червена шапочка новосадского театра Позориштанце зоз куфра, после чого будзе дефиле маскотох з котрима ше дзеци годни сликовац. Крем того дзецом ше будзе рисовац по твари, а шицки котри зосцу годни правиц балони зоз мидлїни. На концу наступи Дружтво за очуванє и пестованє културней традициї Роґаль зоз Жаблю и танєчна ґрупа М стил денс (M style dance), тиж зоз Жаблю.
Орґанизоатор Манифестациї за дзеци Дзецинске лєто 2025, ТОО Жабель з финансийну потримовку Општини Жабель.
