РУСКИ КЕРЕСТУР – Зоз благодарну вечаршу Службу Божу котра отримана нєшка 28. януара законечна дзевятнїца до Мариї котра розвязує ґузли живота.
Каждого вечара у каплїци Успения Пресвятей Богордоци манастира шестрох Служебнїцох НДМ од 13. януара, после вечаршей служби, на 18 годзин вирни ше починали модлїц Дзевятнїцу до Мариї котра розвязує ґузли живота. Коло 30 вирни приходзели и приказовали свойо молитви, свойо ґузли у живоце котри треба розвязац.
После законченя молитви 21. януара вирни ше стретли у манастире шестрох СНДМ и побешедовали о своїх упечаткох, вєдно зоз нову настоятельку у манастире, шестру Франциску Цупер.
Пре обовязки котри паноцове мали коло пошвецаня обисцох, перши шлєбодни термин котри мали бул вихасновани за благодарну службу котра нєшка отримана у вечаршим термину.