Интернет нє безпечни за младих

автор бета/сен
809 Опатрене

БЕОҐРАД – Виглєдованє хторе окончел УНИЦЕФ указало же два трецини випитани штреньошколци були жертви даєдней форми насилства прейґ интернету, а 30 одсто були шведкове насилства. Медзи младима котри церпели насилство, лєм єден одсто питали помоц од одроснутих.

Електронске насилство подрозумює посиланє порукох по интернету, лєбо прейґ мобилного телефону, хтори повредзую и знємирюю особи котри ше нє можу охранїц од таких поступкох. Резултати виглєдованя указую же знємирйованє на дружтвених мрежох дожили 18 одсто випитаних школярох основних и 17 одсто штреднїх школох.

До насилства при младих спадаю и нєприємносци, як цо то знїманє з телефоном, чи камеру, цо дожили 9 одсто основношколцох и 12 одсто штредньошколцох.

Виглєдованє УНИЦЕФ-у засноване на одвитох 3 876 школярох, 1 379 наставнїкох и 3 078 родичох.

ПОВЯЗАНИ ТЕКСТИ