КОЦУР – У рамикох предвиберанковей кампанї за локални виберанки у вербаскей општини, хтори буду 23. априла, активисти Социялистичней партиї Сербиї (СПС) у Коцуре посадзели 100 младнїки сибирского бресту.
Древка посадзени коло коцурскей каплїчки, коло теметовох, у парку при стадионє, на Новим селу, на депониї на виходзе ґу Савиному Селу, а 20 младнїки за садзенє достал и ФК „Искра”.
Активистом СПС-у, насампредз у залїваню посадзених младнїкох, помогли члени Добродзечного огньогасного дружтва.
СПС „Искри” дала и пенєжну донацию за правенє огради коло нових трибинох.