ШИД – У порти Лєтней владическей резиденциї внєдзелю, 16. авґуста, отримана перша манифестация „Преображеньски базар” хтора мала и гуманитарни характер.
На манифестациї свойо продукти виложели продукователє зоз Шиду, Беркасова, Бикичу и Вашици. Понукало ше вина, палєнки, ликеру, меду и козметику з меду, олєйово продукти, природни домашнї соки, колачи, квеце и поодбне.
Добродзечни прилог хтори назберани на манифестациї будзе унапрямени за лїченє даєдного дзецка хторому то потребне.
Тиж промововани и спорт, точнєйше шах, а о. Владимир Еделиснки Миколка на бини виложел вельку шаховску плочу и вельки фиґури, та хто сцел могол бавиц шах.
Тиж на видео биму були фотоґрафиї означованя швета Препбраженя Господнього цо и Кирбай у церкви як и такволана вашарска часц Кирбаю, хтора од влонї премесцена на пажицу прейґ потоку Шидина.
Орґанизатор базара була парохия Преображеня Господнього з потримовку КПД „Дюра Киш”.
