НОВИ САД – Покраїнски секретарият за польопривреду, водопривреду и лєсарство обявел лїстину резултатох конкурсу за софинансованє инвестицийох до наводньованя польопривредних ґаздовствох и валалских ґаздовствох котри ше занїмаю зоз туризмом.
По тим конкурсу розподзелєни 480 милиони динари, у двох катеґорийох, у першей за польопривредни ґаздовства средства опредзелєни за 327 прияви, а у другей катеґориї за штири прияви. На конкурс вкупно сцигли 781 приява, медзи котрима єст тоти за котри нє було досц средства, алє и тоти котри нє сполнєли условия конкурсу.
Резултати конкурса були обявени 5. авґуста, а контракти поподписовани 7. авґуста. Лїстина резултатох обявена без особних податкох, та нє мож заключиц же кельо проєкти буду софинансовани по наших местох.