ШИД – У главней Карадьордьовей улїци вчера, 18. авґуста у рамикох Шидского културного лєта отримана традицийна манифестация Винарска ноц.
На штандох продукцию вина и палєнки представели продукователє зоз Шиду и околїска, алє и зоз Нового Саду, Чортановцох, Вершцу, зоз Илоку и Бапскей зоз Републики Горватскей, та аж и зоз Неґотину на Вардаре зоз Сиверней Македониї.
Медзи викладачами були и нашо познати винїцаре Мирослав и його син Срдян Соколово з Бикичу як и Емилиян Майхер зоз Соту.
Тиж були виложени и сухи продукти з меса и продукти з млєка, а штанди були прикрашени зоз грозном.
У єдней часци улїци свойо роботи виложел и наш уметнїк маляр Иґор Шандор зоз Шиду хтори прешлого року мал самостойну виставу малюнкох у Руским доме.
