РУСКИ КЕРЕСТУР – У манастире Шестрох служебнїцох всоботу, 19. мая, була Духовна обнова за мирянох (лаїкох), як треца у тогорочним ярнїм циклусу духовних стретнуцох хтору шестри за вирних орґанизовали тей яри.
Соботове стретнуце було пошвецене преглїбеню живота Пречистей Дїви Мариї з насловом „Вилича душа моя Господа”, а викладаня и роботнї тримали ш. Мария и ш. Авґустина. Молебен до Богородици служел о. Михайло Режак зоз Шиду.
На стретнуцу участвовали жени з Руского Керестура, Крущичу, Червинки, Кули, Коцура и Шиду.