ЖАБЕЛЬ – Општина Жабель початком того тижня принєсла одлуку о розподзельованю средствох з буджету за информованє, а на основи явного конкурсу, хтори тирвал по 20. януар того року.
Одлучене же 6 милиони динари, кельо того року опредзелєни за проєкти з хторима ше витворює явни интерес у обласци явного информованя, буду розподзелєни за шейсц, з дзевец проєктох кельо сцигли на конкурс, а Општина финансує 80 одсто вредносци проєкту.
Найвецей средства – 2 милиони 150 000 достанє проєкт „Наш Жабель” Центру за тренинґ и едукацию Радио „Тиса-Наш радио” зоз Жаблю, а проєкт „Жабельски информатор”, хтори витвори „Инвитем” д.о.о.-Радио „Юґович” з Катю достанє милион 850 000 динари.
За проєкт „Южнобачки висти” Новосадскей ТВ з Нового Саду опредзелєни милион динари, 500 000 „Дневник Войводина пресу” за проєкт „Жабель на дланї”, а по 250 000 дин. достаню два проєкти – „Будзце информовани о дружтвеним живоце Општини Жабель” Медийней мрежи д.о.о. Беоґрад-Стари Город з Беоґраду и „Жабель на дланє” Сербиї нєшка д.о.о. з Беоґраду.