РУСКИ КЕРЕСТУР – Вчера вирни парохиї св. оца Миколая преславйовали други дзень Велькей ноци, а нєшка и треци дзень найвекшого християнского швета.
У Катедралним храму були штири Служби Божо, на 8, 10, 11,30 и на 19 годзин. Шицки були нащивени, а окреме дзецинска на пол дванастей, понеже у шицких Службох було и мированє. Служба була и у манастире Малих шестрох дзе приходза старши особи хторим далєко пойсц до церкви, а и там було мированє.
Нєшка на треци дзень Пасхи, Служби Божо у церкви як на швета, на 8, 10 и 19 годзин.