РУСКИ КЕРЕСТУР – Основну и штредню школу з домом школярох „Петро Кузмяк” у Руским Керестуре, 27. фебруара нєнаявено и звонка протокола нащивела делеґация Совиту Европи, хтора була по штварти звит Сербиї о запровадзованю Европскей повелї о реґионалних и меншинских язикох.
Делеґация, хтору предводзел єй член зоз Сербиї професор Филолоґийного факултету з Беоґраду и познати линґвиста Ранко Буґарски, у вечарших годзинох зашла нащивиц Школу на своїм путованю з Нового Саду до Суботици. Кед други члени од професора Буґарского чули же у Керестуре роби єдинствена школа у швеце дзе настава на руским язику на штреднїм ступню, пожадали ю и видзиц.
Госцох прияла дежурна у Школи Любица Няради, хтора их преведла по Школи и интернату, и кратко их упознала як з терашнїм станом, так и з историятом образованя по руски, историю Руснацох на тих просторох и самим Керестуром.
Делеґация Совиту Европи того дня нащивела и явни Медийни сервис РТВ Войводини и його редакциї на меншинских язикох, медзи хторима и руски редакциї.