КОЦУР – Вчера, 23. авґуста, Коцур нащивели госци зоз Житомирскей обласци зоз України, котри пришли на екскурзию до наших парохийох.
Трицецеро дзеци и пейц одроснути особи до Коцура сцигли пред поладньом, а у Каритасу их привитала його координаторка у Коцуре шестра Михаїла Воротняк и нашо дзеци зоз парохиї.
Госци зоз України пред поладньом обишли нашу церкву, потим манастир и Етно клуб „Одняте од забуца”, а по полудзенку котри мали у ресторану „Бачки полудзенок”, у Каритасу патрели филм на українским язику под назву „Марчелино”.
Друженє предлужели у Руским доме дзе их домашнї школяре учели танцовац коцурски танєц „Парадичу”.
Друженє у Коцуре тирвало до вечара кед ше госци врацели до Руского Керестура.
