ШИД – Всоботу у Лєтнєй владическей резиденциї заварта седма Подобова колония „Руски двор 2017“ на хторей седемнацецеро маляре зоз Нового Саду, Зомбора, Шиду, Коцура и Беркасова намальовали 30 нови малюнки.
Завераюци Колонию о. Михайло Режак подзековал уметнїком на їх творчосци, а подобова скарбнїца тераз ма 310 малюнки хтори витворени през седем колониї.
Маляре мали нагоду нащивиц и Ґалерию малюнкох „Сава Шуманович” и Музей наївней уметносци „Илиянум“.
Орґанизаторе Колониї були Парохия Преображеня Господнього и КПД „Дюра Киш“.