НОВИ САД – З представителями предшколских установох, основних и штреднїх школох и домох школярох з Войводини вчера, 24. авґуста, у Новим Садзе подписани контракти о укладаню до обнавяня обєктох у образованю, тераз вредни 235 милиони динари.
Попри предсидателя Покраїнскей влади Иґора Мировича, на подписованю контрактох присуствовал и покраїнски секретар за образованє, предписаня, управу и национални меншини-национални заєднїци Михаль Нїлаш, а подписани 80 контракти за обнавянє 12 предшколских установох, 38 основних и 20 штреднїх школох и шейсц домох школярох, односно 76 обєктох зоз 36 локалних самоуправох у Войводини, з хторима облапени 28 506 школяре.
Предсидатель Покраїнскей влади Иґор Мирович з тей нагоди гварел же того року першираз видвоєни таки значни средства до обєктох образовних установох у Войводини, як и же циль тей влади же би до конца мандату обновела векшину школох, оводох и домох школярох, у чим Покраїнскей влади помага и Канцелария за управянє з явнима укладанями.