И Зомбор достанє ЦТ апарат

автор ртв/ядю, фото апв
1.5k Опатрене

НОВИ САД – У Покраїнскей влади нєшка директором 18 здравствених установох, хторим снователь АП Войводина, уручени контракти у вредносци 400 милиярди динари, за набавку медицинских апаратох и другей опреми.

То, медзи иншим, три нови ЦТ апарати за шпиталї у Сримскей Митровици, Зомборе и Кикинди, як и нова анґио-сала за Клинїчни центер Войводини, седма по шоре у Войводини, зоз чим буду створени условия за адекватни третман неуролоґийних и кардиолоґийних хоротох.

Контракти уручел предсидатель Покраїнскей влади Иґор Мирович, хтори гварел же Покраїнска влада, вєдно зоз закладаньом самих здравствених установох, застановела неґативни процеси у здравственей системи на териториї Войводини и тоту обласц положела до верху приоритетох.

Покраїнски секретар за здравство Зоран Ґойкович наглашел же Покраїнска влада за унапредзенє здравства у Войводини у прешлим року обезпечела 1,85 милиярди динари и же ше зоз нєшка подписанима контрактами, предлужує з укладанями, цо бешедує о одношеню Покраїнскей влади ґу здравству и свидомосци о укладаню до найсучаснєйшей опреми у здравствених установох.

ПОВЯЗАНИ ТЕКСТИ