ШИД – Нови, 2018. рок, у шидскей општини дочекани весело, насампредз у обисцох ресторанох и кафичох, а бул орґанизовани дочек на Площи култури коло будинка Културно-образовного центру.
Нащивителє послужени зоз чайом и вареним вином, а за добре розположенє ше остарала ґрупа „Ґарави сокак”.
По традициї, на пол ноци атмосферу прикрашел и красни огньомет, а потим з винчованками предлужена преслава.
Предсидатель Општини Предраґ Вукович вихасновал новорочну ноц же би нащивел дежурни служби полициї, наглей помоци и огньогасцох.
