КУМ розписал конкурс „Прикраски за Нови рок и Крачун”

автор злк, фото вев
955 Опатрене

КОЦУР – Коцурске здруженє младих „КУМ” розписало подобови конкурс на тему „Прикраски за Нови рок и Крачун од рециклованого материялу”.

На конкурс ше можу приявиц школяре од першей по осму класу, поєдинєчно або у ґрупи од трох членох, а ґрупа або поєдинєц можу придац єдну прикраску.

Прикраски можу буц направени од материялу котри мож рецикловац, як цо то папер або пластика, муша мац квачку же би ше з нїм могло оквициц ядловец, а кажда прикраска треба же би символично представяла наиходзаци швета.

Жири будзе оценьовац иновативносц, креативносц, количество и комбинацию рижних материялох котри похасновани, а роботи треба принєсц 22. децембра до Етно клубу „Одняте од забуца” од 10 по 11 годзин.

Вистава тих роботох будзе истого вечара на 19 годзин кед будзе преглашена и найкрасша прикраска, а побиднїк достанє пригодну награду.

ПОВЯЗАНИ ТЕКСТИ