ШИД – З Богослуженями на хторих пошвецени багнїтки, Квитна нєдзеля вчера означена у шицких грекокатолїцких церквох у шидскей општини.
У Шидзе Службу Божу служел парох о. Михайло Режак, котри на початку Богослуженя пошвецел бахнїтки, а у казанї здогаднул на привит Исуса Христа з палмовима конарами на уходзе до Єрусалиму.
О. Режак визначел же народ теди витал Исуса отвореного шерца, як цо и нєшка христриянє з молитву витаю Исуса на Богослуженьох з нагоди Квитей нєдзелї.
У Бачинцох Службу Божу служел парох о. Драко Рац, а вирних було у векшим чишлє як звичайно, котрим подзелєни пошвецени багнїтки.
Подобно було и у наших церквох у Беркасове и Бикичу, дзе служби Божо служел парох о. Владимир Еделински Миколка, котри тиж пошвецел багнїтки.