КУЛА – Предсидатель Општини Кула Перица Видеканїч у Министерстве привреди Влади Сербиї 4. януара подписал контракт о вибудови нового обєкту за специялистични служби кулского Дому здравя.
Вредносц контракту, з ПДВ, скоро 130 милиони динари, дзе Општина Кула обезпечує коло 75, а Министерство привреди 54 милиони динари.
Министерство привреди вибудов специялистичних службох Дому здравя у Кули софинансує з Програми потримовки унапредзованю локалней и реґионалней инфратруктури.
Виводзач роботох будзе Привредне дружтво „Кей” д.о.о. з Валєва.