Меншини нєшка о предкладаньох законох з обласци образованя

автор бва
901 Опатрене

БЕОҐРАД – У орґанизациї Канцелариї за людски и меншински права Влади Сербиї, нєшка на 11 годзин у Палати Сербия у Беоґрадзе будзе отримана схадзка представительох Комисиї за образованє Координациї националних совитох (НС-ох) националних меншинох у Сербиї.

Як наведезене у поволонаки, плановане розпатриц пакет од штирох предкладаньох законох з обласци образованя, хтори до Канцелариї за людски и меншински права прешлїдзела народна посланїца Олена Папуґа.

Постої можлївосц же би ше суґестиї з тей схадзки положело до амандманох на закони, хтори би потим приложела народна посланїца Папуґова.

Спомнути пакет предкладаньох законох з обласци образованя тераз розпатраю народни посланїки.

Попри членох Комисиї за образованє Координациї НС-ох националних меншинох, на нєшкайшу схадзку до Канцелариї поволани и правнїки, а спред Националного совиту Руснацох на схадзки будзе присуствовац предсидателька Одбору за образованє Мелания Римар.

ПОВЯЗАНИ ТЕКСТИ