БЕОҐРАД – Министер култури и информаовня Владан Вукосавлєвич и представителє Координациї националних совитох (НС-ох) националних меншинох у Сербиї вчера, 17. октобра, на стретнуцу у Министерстве визначели високи ступень розуменя з нагоди виробку Стратеґиї розвою култури за идуци 10 роки, сообщене на сайту Влади Сербиї.
Вони ше усоглашели же нєобходне же би Сербия конєчно достала вершински документ у обласци култури и розпатрели обласци зоз Стратеґиї у вязи з дїлованьом националних меншинох хтори, як поведзене, без сумнїву зебараю значне место.
На сходзе було слова и о афирмативних мирох моцнєня и хаснованя язикох и писмох, о установох култури националних меншинох, як и о видавательних и библиотекарских дїялносцох.
Спред Координациї НС-ох з министром Вукосављевичом бешедовали предсидатель Националного совиту Мадярох Єне Гайнал, котри и предшедуюци Координациї, предсидатель Вивершного одбору Националного совиту Горватох Дарко Сарич Лукендич, Сузана Куюнджич Остоїч спред Националного совиту Буњевцох, Мухедин Фиюлянин спред Националного совиту Бошнякох и секретар Националного совиту Румунох Марчел Драґан.