ЖАБЕЛЬ – Дом здравя Жабель поволує гражданох од 50 по 74 роки, без огляду же нє маю симптоми нєлагодносци у бруху и черевох, же би ше приключели програми на скрининґ грубого черева пре вчасне пренаходзенє карцинома.
Скрининґ подрозумює єдноставне тестованє прикладнїка фецесу на присуство скритого кирвавеня. Кед тест позитивни, пациєнт ше посила далєй на випитованє, на колоноскопию. За приключованє до тей програми треба ше явиц свойому лїкарови общей пракси у амбуланти котри прешлїдзи шицки потребни информациї. На скрининґ буду прияти и особи котри нє маю оверену кнїжочку, а маю упут од дохтора общей пракси.
Кажде хто ма крев у фецесу, упарту боль у бруху, пременки при випражньованю черевох, траценє тїлесней маси або други почежкосци най нє чека скрининґ, алє най ше такой яви свойому лїкарови у амбуланти.
За вецей информациї мож наволац Службу общей медицини Дому здравя Жабель, централа 021/29-31-054 або директно 021/24-00-243 або амбуланту у своїм валалє у Дюрдьове 021/29-39-010 и у Ґосподїнцох 021/23-00-117.
Вчасне пренаходзенє хороти або охореня може значно звекшац можлївосц успишнєйшого лїченя.