НОВИ САД – Заинтересовани млади од 15 до 20 роки можу ше приявиц за безплатну седмодньову програму „Креативна ЕУ лєтня школа”, хтора будзе отримана од 24. юния по 1. юлий у Новим Садзе. Конкурс за приявйованє тирва по 18. юний, до пол ноци.
„Креативну ЕУ лєтню школу” за здобуванє практичних знаньох и схопносцох з обласци ґрафичного дизайну, видео-продукциї, дружтвених мрежох и за орґанизованє збуваньох орґанизую Здруженє Cinema City и EU Info Point Нови Сад, з потримовку Делеґациї Европскей униї у Сербиї.
Под час Школи плановане нащивиц и орґанизациї хтори творя новосадску креативну сцену – инкубатори, ИТ-хаби, алтернативни културни центри, як и упознаванє з програмами ЕУ хтори младим даваю нагоду за усовершованє и школованє.
Подробнєйши информациї о поволанки мож найсц на веб-боку Cinema City, лєбо по е-адреси office@cinemacity.