КОЦУР – У рамикох Фестивала „Коцурска жатва”, котри ма буц отримани о дзешец днї, млади уж пририхтали наяву за програму „Тамбурованє 2018”.
Коцурски млади уж штварти рок за шором орґанизую програму у котрей понукаю вше нови и иншаки змисти, а того року будзе цаловечарша вистава „квиткох” з Инстаґрам профила https://www.instagram.com/kvitkimudrosci/. Ґу тому, опрез Дома култури од 21,30 будзе грац домашнї бенд, та з ошвиженьом, фотоґрафованьом и у добрей атмосфери млади и на тот завод даю окремне доприношеню традицийному Фестивалу „Коцурска жатва”.
Тогорочне „Тамбурованє” и виставу пейґ проєкта финансийно потримало Роботне цело за младеж Националного совиту Руснацох.