ВЕРБАС – Предсидателька Скупштини општини Вербас Маряна Мараш заказала 11. схадзку локалного парламенту за стреду, 13. юний, а одборнїки тот дзень буду розпатрац 21 точку дньового шора.
Будзе розпатране предкладанє одлуки о правох на финансийну потримовку фамелийом з дзецми, предкладанє одлуки о обезпечованю услугох за зогриванє за 2018/2019. рок, звити о роботи Народней библиотеки „Данило Киш”, Културного центру Вербас, Центру за физичну културу „Драґо Йовович”, Дома здравя, Апатики „Вербас” и других явних подприємствох и установох за 2017. рок.
На дньовим шоре будзе и предкладанє ришеня о даваню согласносци на Одлуку о вименкох Статуту Центра за физичну културу „Драґо Йовович”, предкладаня Комисиї за кадрово, административни питаня и роботни одношеня и друге.
Схадзка будзе отримана на стреду, 13. юния, з початком на 11 годзин.