НОВИ САД – Од пондзелку, 3. априла, почина седма по шоре „НС байк” сезона, сообщело ЯКП „Паркинґ сервис”.
Заинтересовани за тоту форму превозу по городзе годни хасновац бициґли розпредзени на 12 бициґлистичних станїцох. Станїци автоматизовани, цо значи же бициґли мож виєднац на 24 годзини.
Нови хаснователє ше можу реґистровац на каси спомнутого ЯКП у улїци Филипа Вишнїча 47, як и на „НС байк” станїци при СПЕНС-у, роботни дзень и соботу од 9 до 16 годзин.
Реґистрация подрозумює вирабянє чипованей карточки, хтора кошта 500 динари, з чим бициґлу мож виєднац за 20 динари на годзину, односно 100 динари на цали дзень.
И тей сезони система будзе унапредзена з вибудову ище єдней, 13. бициґлистичней станїци, хтора будзе на Футожскей драги, прейґ касарнї „Др Арчибалд Райс”.