Отримана Скупштина општини Вербас

автор апм
718 Опатрене

ВЕРБАС – Пияток, 11. мая, отримана дзешата схадзка Скупштини општини Вербас, а на зашеданю хторе зволане по наглим поступку пре важносц єдней з темох, одборнїки розпатрали лєм штири точки дньового шора.

Перше розпатране Предкладанє одлуки о рефинансованю длугорочних кредитох за капитални инвестицийни розходи Општини Вербас, хтори вжати при дїловних банкох, а з тоту одлуку ше висину задлуженя нє звекшує, алє ше рефинансую постояци, длугорочни кредити.

Одборнїки прилапели и заключок з хторим ше потримує Инициятиву Општинскей управи Вербас, Оддзелєня за урбанизем, квартельни роботи, защиту животного штредку и енерґетски менаджмент, же би ше у согласносци зоз Законом о явно-приватним партнерству и концесийох порушало поступок вибору приватного партнеру за замену и реконструкцию явного ошвиценя.

На концу, на предкладанє Комисиї за кадрово, административни питаня и роботни одношеня, др Ясмина Асси менована за директора Дома здравя „Велько Влахович” на штирирочни период.

ПОВЯЗАНИ ТЕКСТИ