РУСКИ КЕРЕСТУР – Всоботу, 19. мая, отримана ище єдна роботна акция котру орґанизовал Месни одбор Сербскей напредней странки (СНС). На тот завод ушорени центер валалу и двор рускокерестурского оддзелєня „Цицибан” Предшколскей установи „Бамби” зоз Кули.
У центру валала офарбели жардинєри зоз квецом, а векшу часц роботней акциї препровадзели у дворе „Цицибану”, дзе офарбели шицки древени реквизити и лавочки, покошели траву, а попри тим ошмирґлали и офарбели гомбалки.
Як дознаваме од предсидателя Месного одбору Иґора Фейдия, у соботовей роботней акциї участвовали петнацецеро активисти СНС зоз валалу, а помогли им и члени зоз Крущичу и Червинки, а то лєм єдна спомедзи планованих акцийох за тот рок.
