ҐОСПОДЇНЦИ – Як пише портал Општини Жабель, у Ґосподїнцох 12. априла отримани пияти Саям гортикултури, хтори орґанизую Еколоґийне здруженє „Баґрен били” и Месна заєднїца Ґосподїнци, а под покровительством Општини Жабель.
Саям гортикултури отримани у дворе ОШ „Жарко Зренянин”, отворел го предсидатель Општини Жабель Чедомир Божич, а того року ґу Сайму бул приключени и Вельконоцни вашар, на хторим виложени роботи школярох домашнєй школи.
Госцох и домашнїх привитал и предсидатель Совиту Месней заєднїци Ґосподїнци Борис Страживук, а у рамикох Сайму отримана и пригодна културно-уметнїцка програма.