РУСКИ КЕРЕСТУР – У Основней школи „Петро Кузмяк” вчера були три преподаваня школяром на теми Превенция и защита дзецох од тарґовини з людзми и о Хоротох зависносци.
На першу тему, два окремни преподаваня школяром штвартей и шестей класи отримал инспектор Полицийней управи зоз Кули, и то уж шварте преподаванє у тим школским року на рижни теми, хторе потримує Министерство просвити.
Источашнє школяром осмей класи волонтере Червеного крижу з Кули викладали о хоротох зависносци, понеже новембер пошвецени борби и превенциї на тоту тему. Зоз шицкима школярами преподаваня провадзели и їх учительки одн. оддзелєнски старшинове.