СЕРБИЯ – Польопривреднїки вимагаю голєм 20 динари за жито, понеже понукнута цена на тарґовищу нїзка и нє подмирює анї трошки продукциї.
– Одкупйоваче ше почали бавиц з тарґовищом и намагаю ше цо менєй заплациц за жито. Польопривреднїки брали репроматериял на одложене плаценє, а задлуженє плаца през паритет у житу, та одкупйовачом одвитує цо менша цена, же би достали цо вецей роби. Перша понукнута цена була лєм 12 динари, тераз є коло 16, а з робних резервох наявени одкуп жита по 18 динари – гварел Йовица Якшич з Нєзависней асоцияциї польопривреднїкох Сербиї.
И у сушедних жемох цена жита подобна, а заробок завиши од висини достатих субвенцийох з боку держави. Тогорочни урожай од коло штири тони по гектаре нєзадоволююци, цо ище єднен з очежуюцих факторох за продуковательох жита.