ВЕРБАС – Општина Вербас, у сотруднїцтве з Националну службу за обезпечованє роботи, през явни роботи будзе реализовац проєкт „Педаґоґийни асистенти”. Таких асистентох достаню шицки дзевец основни школи у општини Вербас.
За учашнїкох проєкту прешлого тижня орґанизоване святочне подписованє контрактох, а як з тей нагоди сообщене, педаґоґийни асистенти од 1. октобра буду драгоцина помоц школским фаховим службом и дзецом у образовних установох.
Окрем того, визначене и жаданє шицких учашнїкох у проєкту, орґанизаторох и самих асистентох, же би тота файта активносци и явних роботох постали пракса у општини Вербас.