БЕОҐРАД – Пияток, 23. марца, у Беоґрадзе отримана схадзка делеґациї Одбору за образованє у рамикох Координациї националних совитох националних меншинох зоз министром просвити Младеном Шарчевичом, представнїками Завода за унапредзенє образованя и воспитаня и Завода за учебнїки, на хторей ше бешедовало о друкованю учебнїкох хтори ище хибя у настави на албанским, мадярским, словацким, румунским, горватским и руским язику.
На схадзки порадзене о нових часових терминох у рамикох хторих буду видруковани тоти учебнїки, як и о ускладзованю рукописох учебнїкох зоз ревизию наставних програмох, односно програмох настави и ученя зоз резултатами и стандардами.
Попри тим, бешедовало ше и о прилапйованю нового Закона о учебнїкох.