Починаю роботи на розчисцованю терену и руїнох старого будинку РТВ

автор ртв/ядю, фото ртв
1.1k Опатрене

НОВИ САД – Проєкт вибудови нового будинку Радио телевизиї Войводини урядово почал вчера, зоз першу фазу пририхтуюцих роботох котра подрозумює розчисцованє терену и руїнох старого будинку.

Будинок тедишнєй Телевизиї Нови Сад звалєни 1999. року у пейцох нападох НАТО алиянси котри почали 5. мая, а од теди ше спомина и вибудов нового обєкту.

Директор подприємства „Елит коп” гвари же ситуация нє застарююца и же шицко будзе поробене у предвидзеним термину. Вчера прицагнути машини и механїзация, а анґажованей компаниї, тоти роботи нє буду проблем, бо маю вельке искуство.

Розчисцованє би требало буц закончене по новембер, а Управа за капитални укладаня Войводини того тижня обявела явну поволанку за вибор виводзача роботох котри би мал будовац нови будинок Радио телевизиї Войводини. Понукнуца мож доручовац по 23. авґуст, а одлука о компаниї котра будзе будовац нови обєкт будзе принєшена найпознєйше 25 днї после отвераня понукнуцох.

ПОВЯЗАНИ ТЕКСТИ