СРИМ – З нагоди швета Велькомученїка Георгия, у народзе познатше як Дзуря, вчера, 6. мая, у наших церквох у сримских парохийох служени Служби Божо и пошвецане жито.
У Шидзе Службу Божу служел о. Владимир Еделински Миколка, парох у Беркасове, (пре одсуство домашнього пароха и декана о. Михайла Режака), хтори у казанї бешедовал о живоце Святого Георгия.
После богослуженя о. Еделински у церковней порти пошвецел жито хторе вирни однєсли до своїх обисцох.
О. Еделински служел Служби Божо и у церквох у Беркасове и Бикичу, дзе тиж пошвецене жито.
И у нашей церкви у Бачинцох було торжествено з нагоди швета, а Службу Божу служел и жито пошвецел парох о. Дарко Рац.