Пририхтованє за Стретница руских школох у Бикичу и Шидзе

автор влдї
1.1k Опатрене

ШИД – У рамикох пририхтованя за отримованє 23. Стретнуцох руских основних и штреднїх школох, хторе будзе 3. юния у Бикичу и Шидзе, вчера у ОШ „Сримски фронт“ у Шидзе, як домашнєй Стретнуцох, отримана схадзка о їх орґанизованю.

З директорку Школи „Сримски фронт“ Весну Кузминац о тей теми бешедовали Ирина Папуґа спред орґанизатора Стретнуцох – Дружтва за руски язик, литературу и културу, предсидатель Совиту Месней заєднїци Бикич Деян Бобаль и наставнїца Златка Сивч Здравич, котра у основних школох у шидскей општини отримує годзини руского язика з елементами националней култури як виборного предмету.

7-Stretnuca-02

Як порадзене, приход и привит учашнїкох Стретнуца будзе у Бикичу, дзе нашивя грекокатолїцка церкву, Подручну основну школу и Етно-хижу, а у потим у Шидзе нащивя Народну библиотеку „Симеон Пищевич“, Ґимназию „Сава Шуманович“ и Спомин-памятнїк „Сримски фронт“ при Адашевцох.

Пригодна програма школярох на Стретнуцох 3. юния будзе отримана у сали ОШ „Сримски фронт“ у Шидзе, дзе буду подзелєна и припознаня.

На вчерайшей схадзки бешедоване и о финансийним и орґанизацийно-технїчним аспекту отримованя Стретнуцох.

ПОВЯЗАНИ ТЕКСТИ