НОВИ САД – Вчера, 13. марца, на схадзки Управного одбора (УО) Заводу за културу войводянских Руснацох, окончена розгварка зоз кандидатку Анамарию Ранкович по конкурсу за вибор директора.
Ранковичова други раз була єдина кандидатка на тоту функцию. Процедура вибору директора Заводу за културу войводянских Руснацох тирва од прешлого року и дополнєна є, и часточно повторена пре жалбу єдного з кандидатох.
УО Заводу формовал и Предлог обгрунтованя лїстини кандидатох за директора, котри прешлїдзи на одлучованє Националному совиту Руснацох.
Директор Заводу будзе вибрани аж док го потвердзи и други снователь тей институциї, а то Покраїнска влада.