КОЦУР – Прешлого викенду, пияток и всоботу, у Коцуре з нагоди 12. родзеного дня Мото клуба „Пеґазус” отримане мото стретнуце котре Клуб орґанизовал у дворе своїх просторийох при стадиону ФК „Искра”.
Мото стретнуце почало пияток кед почали сциговац моторкаше зоз нашей жеми и иножемства. Домашнї госцох дочекали зоз добру рок музику и паприґашом. Истого дня вечар отримани рок концерт на котрим наступели ґрупи „Ласт треин” зоз Бечею и „Прляви Ромео” зоз Апатину.
Ютредзень, всоботу, отримани дефиле през Коцур котри закончени на площи Николи Пашича у Вербаше, дзе моторкаше у сотруднїцтве зоз полицийну станїцу Вербас отримали указуюцу вежбу безпечного воженя под назву „Без алкоголу на двох колєсох”.
По законченю дефилеа моторкаше ше врацели до Коцура дзе з „байкерску пасулю” предлужене друженє. Всоботу вечар знова бул рок концерт на котрим участвовали „Кикс” бенд зоз Вербасу и „Гамер” бенд зоз Нового Саду.
