КУЛА – Швето св. оца Миколая 19. децембра преславене и у грекокатолїцкей парохиї св. Йосафата у Кули. Пририхтана и програма св. Миколайови хтори подзелєл 80 пакецики. Парохия подзелєла и 100 дарунки хтори достали з гуманитарней акциї „Дзеци дзецом”.
Раншу Службу Божу служел капелан о. Платон Салак ЧСВВ, по вечаршей Служби хтору служел парох о. Дамян Кича ЧСВВ було мированє вирних, а потим и програма св. Миколайови.
Програму вєдно пририхтали дзеци зоз кулского КУД „Иван Сенюк” зоз Надїю Воротняк по українски, и по руски виронаучни дзеци зоз Коцура з вироучительками Сенку Бесерминї и ш. Михаилу Воротняк.
Потим св. Миколай подзелєл 80 дарунки, хтори финансовали родичи дзецох, а 20 з нїх парохия, а достали их дзеци з фамелийох хтори помагаю коло церкви. Попри тим, парохия достала и 100 пакецики зоз гуманитарней акциї „Дзеци дзецом”.
Петнац з нїх достали школяре котри участвовали у програми св. Миколайови, достали их и други виронаучни дзеци, а векшина будзе подзелєна дзецом зоз загрожених фамелийох.
