ШИД – У Шидзе представена окремна брошура зоз совитами за миґрантох змесцених у општини Шид.
Општину Шид нащивел Координатор за безпечносц Мисиї ОЕБС-а у Сербиї Един Калич и на роботней схадзки зоз предсидательом Општини Предраґом Вуковичом представена брошура котру вєдно написали ОЕБС, Општина Шид, МУП Сербиї, Полицийна станїца Шид и Општинске поверенїцтво за вибеженцох и миґрациї.
Слово о совитох за миґрантох за їх безпечне пребуванє на териториї Републики Сербиї.
Предсидатель Вукович и координатор ОЕБС-а бешедовали и будуцим сотруднїцтве и можлївих нових проєктох за злєпшанє стану миґрантох у општини.