НОВИ САД – З нагоди Медзинародного дня мацеринского язика, у Новим Садзе 21. фебруара отримана схадзка Координацийного одбору дружтвох за язики, литературу и културу. Тот датум источашнє и Дзень Координацийного одбору, а основани є пред 43-ома роками.
Схадзка отримана у просторийох Здруженя македонскей националней меншини „Чирило и Методиє, а бешедоване о витворених активносцох у прешлим, планох у тим року, як и календаре рочнїцох и ювилейох у тим року.
Спред дружтва за руски язик, литературу и културу на схадзки присуствовала секретар-заступнїк Дружтва Ирина Папуґа.