РУСКИ КЕРЕСТУР – У Руским Керестуре вчера, 15. авґуста, почал и Турнир у кошарки 3 на 3 на кошаркашским терену на пияцу, а у орґанизациї штредньошколца Бориса Югика.
За Турнир ше приявели осем екипи зоз Руского Керестура, а то „Фреш маркет”, „Летечи Пирожеканци”, „Бостан Селтикс”, „Замало”, „Дюрко и омладина”, „Бифе-бар Фортуна”, „Руском” и „Шимко”.
Кажди дзень бавя шицки екипи, по принципу кажде з каждим, а змаганя починаю на 21 годзин.
Турнир будзе тирвац по 22-23. авґуст, а найлєпши достаню и награди – перше место 10 000, друге 5 000, а треце место 3 000 динари.
