НОВИ САД – Вовторок, 10. юлия, после длугей и чежкей хороти, у Новим Садзе у 64-им року живота умарла длугорочна спикерка, водителька и новинарка у Руских редакцийох Радия и Телевизиї Нови Сад Нада Сабол.
Нада Сабол народзена у Руским Керестуре 18. фебруара 1954. року дзе закончела Основну школу, ґимназию у Вербаше, а Висшу економско-комерциялну школу у Новим Садзе.
Як пришла на студиї до Нового Саду, 1974. року, такой ше уключела до роботи Рускей редакциї Радио Нового Саду дзе робела по одход до пензиї 2011. року.
Була предложена за престижну спикерску награду у СФРЮ „Ґордана Бонети”.
Нада Сабол будзе похована на пияток, 13. юлия, на 12, 45 годзин на новосадским Городским теметове.