НОВИ САД – У нєшкайшей емисиї „Добри вечар, Войводино”, на 20 годзин, од госцох у студию – предсидателя Националного совиту Руснацох Славка Раца, предсидателя Управного одбору Завода за културу войводянских Руснацох Миломира Шайтоша и директорки НВУ „Руске слово” Мартици Тамаш, дознаме яки активносци пребераю институциї хторим вони на чолє, у обласци розришованя маєтково-правних питаньох, односно у обласци капиталних укладаньох.
У другей часци емисиї будзе емитована драгописна репортажа зоз Словацкей, у хторей патраче годни упознац єден з кральовских городох у восточней часци тей жеми, односно у нашим старим краю.
У трецей часци емисиї буду емитовани забавни композициї хтори виведзени на Фестивалу рускей култури „Червена ружа” 2015. року.