ДЮРДЬОВ – Грекокатолїцка церква Рождества Пресвятей Богородици у Дюрдьове нєшка, 21. септембра, на Малу Матку Божу по юлиянским календаре, преславює свойо храмове швето – Кирбай.
На Кирбай, на Велькей Служби Божей на 10 годзин, за священїка будзе пошвецени диякон Данил Задрепко з Дюрдьова. По законченю Служби, нєоєрей Задрепко вирним подзелї свой благослов и обращики, як памятку на тот шветочни чин.
Кирбай и пошвецанє нового священїка у Дюрдьове будзе у пооправяней церкви, понеже до нєй поставене жемове зогриванє и мозаїчни мрамор, а поробени и други роботи.
Як гварел о. Михаил Холошняй, до церкви плановане направиц и нови столки, а тераз дочасово поставени карсцелї.