НОВИ ВЕРБАС – У Церкви Святого Владимира у Новим Вербаше внєдзелю, 30. септембра, Першу причасц прияли шесцеро вироученїки пароха о Иґора Вовка, школяре возросту од другей по штварту класу основней школи.
Школярох за Першу причасц пририхтал о. Иґор Вовк на годзинох виронауки у Парохиї Святого Владимира, як и у Основней школи „20.октобер”, у хторей трима годзини виронауки, як виборного предмета.
На служби, у казанї, о. Вовк визначел значносц споведзи, Першей причасци и причасци вообще у живоце шицких християнох.
На концу служби, о. Вовк першопричашнїком подзелєл Памятки на тату важну подїю и подзековал їх родичом.
У парихиялней сали после Першей причасци отримана закуска и друженє парохиянох.