ШИД – Реґионална смотра подобовей уметносци аматерох Срима, котра тирва од 7. по 14. октобер, отримує ше у Ґалериї „Лазар Возаревич” у Сримскей Митровици.
У Ґалериї виложени 66, а за 18. Покраїнску смотру на Паличу жири вибрал 27 роботи.
Зоз општини Шид, од осем подобових уметнїкох, на Покраїнску смотру ше пласовали двойо – Ратко Торма зоз Беркасова и Радмила Дьордєвич зоз Шиду.
Покраїнска смотра Подобових уметнїкох Войводини будзе отримана 5. новембра на Паличу.