НОВИ САД – Трицец осме тогорочне число новинох „Руске слово” у рубрики „Тижньовнїк” спатрa чи нашо места маю можлївосци постац туристични дестинациї и як чече витворйованє Акцийного плану за права меншинох.
Попри комуналних темох з Руского Керестура, рубрика „Нашо места” пише о додзельованю стипендийох руским школяром и сходу найстарших керестурских маломатурантох, док „Економия” пише о єшеньских роботох у Коцуре и Керестуре.
„Култура и просвита” зазначує плани и активносци Дому култури Руски Керестур у тей сезони, док на бокох рубрики „Людзе, роки, живот” нове предлуженє фельтону „Як (нє) скапал рокенрол”.
„Духовни живот”, медзи иншим, пише о законченю ушорйованя дюрдьовскей церкви и о 25-рочнїци пошвецаня о. Михайла Режака.
На „Спорту” резултати змаганьох фодбалских и шаховских клубох з наших местох и звит зоз змаганя у малим фодбалє у рамикох Спортских бавискох „Яша Баков”, а як додатки вишли „Руске слово у швеце” и „Руске словечко”.