У новим чишлє „Руснака”

автор ядю
1k Опатрене

РУСКИ КЕРЕСТУР – у 28. чишлє „Руснака”, глашнїка Рускей матки, зазначене друге Стретнуце поетох, литературних и музичних творительох Рускей матки у Руским Керестуре, Подобова колония „Коцур 2017” и други Русински филмски фестивал „Русин Филм Фест” у Шиду.

Ту и напис о пририхтованю преслави Националного швета Руснацох у януару 2018. року у Суботици, як и о пририхтованю 15. Руского фестивалу малих сценских формох „Дюра Папгаргаї” у Новим Садзе.

У тим чишлє и текст о реконструкциї и адаптациї Етно клуба „Одняте од забуца” у Коцуре, о госцованю ансамбла Руского културного центра у Новим Садзе на тогорочним 55. Фестивалу култури и спорту у Медзилаборцох у Словацкей, як и тексти о других значних подїйох и збуваньох. Тераз обявени и додаток з литературнима творами шицких учашнїкох тогорочного Стретнуца поетох у Руским Керестуре.

И тото число глашнїка пририхтане и видруковане дзекуюци Министертву култури и информованя Републики Сербиї, хторе у цалосци потримало проєкт Рускей матки за видаванє штирох числох глашнїка „Руснак” и двох додаткох у 2017. року.

ПОВЯЗАНИ ТЕКСТИ